منتدى الفرح المسيحى - الحب المجروح

https://upload.chjoy.com/uploads/156902051873651.jpg

الحب يجرح اللي بيحب ، يخلليه يحب و ما يقدرش يكره و لا يخون و لا يغدر ..
يقبل يتجرح و لا يجرحش اللي بيحبه..

يخلليه يحب زي نفسه و يمكن اكتر ..

يخلليه يخلص لصاحبه حتي لو خانه، و يتكلم عليه حلو حتي لو هانه
، و لو سابه يحبه برضه و يحترم رغبته و يبعد عنه و حبه لسه في قلبك عمال يزيد
و انت بتتمني له كل خير ..

و يا ما ناس الحب جرح قلبها و هي ساكتة و شايلة و صابرة ،
و بتضحك و هي موجوعة و بتداري دموعها ورا ابتسامتها ..
الحب ده بيعمل جرح عميق جوه اللي بيحب ما بيقولوش لحد
، و يخلليه يخبي وجعه و هو بيتقطع علشان اللي بيحبه و شاريه باعه بأرخص تمن ..

و ده واحد من المعاني العميقة اللي بتشرح حب ربنا لينا .
. انه بيحبنا و هو مجروح مننا في الآية الخالدة "ما هذه الجروح في يديك؟
فيقول: هي التي جرحت بها في بيت أحبائي" (زكريا ١٣ : ٦ ) ..

و ربنا اكتر واحد حاسس بينا لأنه هو يا ما حب و ما حدش حس بحبه..

بالراحة علي الناس الموجوعة دي ، اللي قلوبها بتتكوي بنار تخلية الحبايب ..

بالراحة قوي عليهم ، دول عاوزين اللي يحن عليهم و يحس بيهم..