منتدى الفرح المسيحى - تأملات في السمك

https://upload.chjoy.com/uploads/156892755055831.jpg

السمك
ما بيهموش التيار ، لو صح و ح يفيده يمشي معاه ،
و لو غلط و ح يضره يمشي ضده ؛ عنده مباديء..

يعيش في البحر المالح و الملح ما يخشش جسمه و تلاقي طعمه حلو ؛
عنده مقاومة و مناعة للغلط ..

بيعوم قرب سطح البحر في النور و في عمق البحر في الظلام الدامس
؛ عارف طريقه كويس ..

يحب الجماعة ، يمشي في اسراب و ما يحبش يمشي من دماغه
يقدر قيمة الاخوة و يعرف قوتهم ..

انيق في لبسه وواحد باله من نفسه !! جميل في شكله و جميل في انسيابيته
؛ بيعرف يقدم نفسه للناس بحسن طلته..

عيبه الأول : الكبير يأكل الصغير ، ما بيحترمش غيره و يدوس علي الكل علشان مصلحته.
. ما يعرفش أن الدنيا دوارة و اللي بيعمله ح يتعمل فيه ..

عيبه التاني أن بقه مفتوح و بيقع دايما منه ، لو قفل بقه يرتاح و ينجو بنفسه
.. و يا ما ناس وقعت في الخطر بسبب كلامها..

عيبه التالت ما بيتعلمش من غيره .. الي حواليه بيقعوا في الصنارة
و هو بيقع زييهم من نفس الطعم.. و الحكيم يتعلم من غلطاته و الاحكم يتعلم من غلطات غيره ..