منتدى الفرح المسيحى - خد كل حاجاتك ورجعلنا حاجات كتير فقدناها

https://upload.chjoy.com/uploads/156874768547271.jpg

لو سمحت احنا عايزين مصر بتاعت مسلسل الساعه 8
وحديث الروح الساعه 9 إلا ربع .. ووراه اخبار الساعه 9
وبعدين نحاول نحل سؤال الجنيه الدهب مع طارق
علام وفي الاخر نشوف فيلم يارب ولد او الحفيد
وبعدين السلام الوطني والتلفزيون يقفل
ويشغل وششششش .. وبعدين ندخل ننام
احنا مش عايزين تليفونات .. مش عايزين فيس ولا انستجرام ولا حتي الماسنجر
خد حاجاتك دي كلها والله ما عايزينها .. بس رجعلنا لمتنا في البيت الكبير زي زمان .
. لمتنا وسط اهلنا .. وسط ابونا وامنا
وسط الخير .. رجعلنا حياتنا اللي كان كل همنا ساعتها اني اكتب الواجب او احفظ جدول الضرب .
خد كل حاجاتك ورجعلنا حاجات كتير فقدناها
كانت بنسبالنا هي الحياه اللي بجد
خد كل حاجاتك ورجعلنا ناس كانوا عايشين حياتهم بس علشان احنا نبقي مبسوطين.😢😢