زوّادة اليوم: كونوا أقوياء بالرّب

في ناس بيفكرو انّو كلّ ما عَلُّو صوتُن و صرخو بيصيرو كلماتن اقوى و مسموعين اكتر. مع انّو ما بعمرها هالطريقة ولّدت قوّة بالعكس بتولّد تمرّد و الناس بيعملو حالن ما سمعو! الكلمة المسموعة هيّي اللي بتكون نابعة من القلب، قوّتها بصدقها، قوّتها بالمحبّة، قوّتها بالنيّة الحلوة اللي وراها... دايما الخير بينتصر عالشر...لو قد ما تأخّر رح يربح... تذكّرو انّو الضعيف هوّي اللي بيتخبّى ورا الصوت العالي و الصريخ، القوّي ما بيعوز ابدا يعلّي صَوتو، القوي ما بيستعمل كلمات بشعة بتجرح...كونو اقوياء بالرب، تسلّحو فيه و بكلمتو...الله معكن