منتدى الفرح المسيحى - اصبر علي نفسك

https://upload.chjoy.com/uploads/156804370059421.jpg

لو نفسك ترجع زي الاول اصبر علي نفسك.. اوعي تستعجل شفائك..
عارف لعيب الكوره لما يكون طول عمره بطل
وفجاءه يتكسر لما بيخف عمره مابيرجع للملاعب مره واحده لازم ياخد وقته
ومايستعجلش لانه لو استعجل هايتعب اكتر
ربنا عارف انك مشتاق ترجع زي زمان بس هو بيقولك (بصبركم تقتنون انفسكم) بصبرك هاتنجح
اصبر علي نفسك.. ماتزهقش من طول المده
اصل طول المده حسب عمق المرض
ماتخافش مدام بداءت خطاوي للشفا فانت في الطريق الصح
ومع الوقت هاترجع زي الاول واحسن كمان. هاترجع بجهاد واختبار وكلام يشفي كل الناس من وجعها
المهم ابتدي واحده واحده.. ماتحملش علي نفسك.
اول خطوه اني اصدق اني بقيت مريض.
تاتي خطوه اقوله يا طبيبي محتاج ايدك
تالت خطوه امنع نفسي من كل شئ هايضرني وابداء اسمع كلامه
ومع الوقت هاتلاقي نفسك بصحه روحيه توقفك علي رجلك من تاني
اصبر علي نفسك