منتدى الفرح المسيحى - سعادتك وبؤسك وبوزك ونكدك مسئوليتك لوحدك

https://upload.chjoy.com/uploads/156794726741871.jpg

الراجل هو اللي بيطفي الست!
كلام بلح.
التفسير: أي كائن بالغ عاقل متزن مش هيسمح لحد يؤذيه
، البني آدم مخير مش مسير يعني عنده ارادة ينطفي أو ينور...قراره.

الست هي المسؤؤلة ان الراجل بص برااا!
بلح.
التفسير: الراجل الناضج لو مش سعيد في علاقته بيشتغل مع شريكته عليها
،أو يصارحها انه عايز يمشي من غير مايتخلى عن مسؤوليته.

ابتسامة الست انعكاس لأن جوزها مهشتكها ومدلعها!
بلح برضو
التفسير: ابتسامة الست انعكاس لأنها بتحب نفسها وبتحب الحياة ومقررة تبقى سعيدة.

الراجل بايده يخليها فرفوشة ومش نكدية...
آآآدي بلح كمان
التفسير: محدش بايده يخلي حد حاجة.. اللي عاوز يبقى هيكون.
. التوقعات الغير منطقية دي هي اللي بتودينا في داهية.

خلاصة القول:
سعادتك وبؤسك وبوزك ونكدك مسئوليتك لوحدك.
لكن نجاح العلاقات أو فشلها مسئولية طرفيها الاتنين.
وشتان الفرق.