منتدى الفرح المسيحى - قدموا اللي عليكم و سبوهم يختاروا

https://upload.chjoy.com/uploads/156766510134131.jpg

مهم جدا ان الاب و الام يفهموا دايما
ان كل جيل له الخصائص بتاعته و له ايجابياته و سلبياته
و استحاله انكم هتقدروا تربوا اولادكم
بنفس النمط و الطريقة اللي اتربيتوا عليها ..
لو الاباء قدروا يدركوا القصة دي هيرتاحوا جدا
لكن للاسف الغالب بيكون عايز ينفذ في ابنه اللي مقدرش يحققه ..
مثال الاب كان نفسه يبقي دكتور يبقي الابن او البنت يطلع دكتور ..
او الاب دكتور يبقي الابن او البنت دكتور
علشان يكملوا مسيرة الطب في العيلة ..
عموما في ابناء بتقبل مفيش مشكلة
لو هما حابين فعلا و شايفين انك قدوة كويسة .
. و ابناء تاني لهم ميول اخري ..

المهم ان الاباء تقدر ميول اولادهم .. اختياراتهم ..
يعيشوا التجربة .. و الكلام ده يطبق في كل مجالات الحياة للابن ..

الاب و الام يقدموا القدوة .. يعني جو عائلي مناسب .
. حب .. احتواء .. ارشاد .. حوار
و بعدها اترك الاختيار للابن او البنت سواء في مجال دراسة
او عمل او ارتباط او خبرات حياتية عموما ..
متفرضش تجربتك .. ربما انت فشلت
.. ربما الابناء تنجح .. او ربما انت نجحت
و هم لا يصدقوا فشلهم الا بالتجربة ..

هم لديهم شخصية مستقلة ..
من المعجزات في الخليقة .
ان الله اعطي لكل سكان العالم شخصية مستقلة عن الاخر .
. كل انسان علي الكوكب له شخصية تميزه عن الاخر مثل البصمة.
فاستحاله هتصنع لابنك او بنتك شخصية مطابقة ليك.
قدموا اللي عليكم .. و كونوا قدوة .. و اتركوهم..
خير قدوة هي تلك القدوة الصامتة التي نراها في الاعمال لا الاقوال.