منتدى الفرح المسيحى - ممتد المفعول

https://upload.chjoy.com/uploads/156762264691141.jpg

اي دوا عادة قصير المدي، ممكن يشتغل من دقايق قليلة
، و ممكن يقعد بالكتير من ٤ الي ٦ سماعات..

مع التقدم العلوي بقي فيه أدوية ممتدة المفعول
، اسمها XR أو extended release أو SR
أو slow release.. بغص الأدوية دي ممكن يقعد يوم
، وفيه بعضها ممكن الحقنة تتاخد كل ٦ شهور و أحيانا كل سنة !!

فيه كمان كلام "ممتد المفعول"
، ممكن يأثر في النفس الرقيقة مش ساعات
، ممكن أيام و شهور و يمكن سنين..

كلمة نقد أو إهانة أو مقارنة أو إهمال أو عنف
ممكن تسيب جروح عميقة قوي ، تلف في العقل الحساس
ليل و نهار و تعوره و تخليه ينزف دموع
و تنهدات طول الليل و النهار لمدة طويلة ..

برضه فيه كلام حلو بينقط شهد، تشجيع و احترام
و مجاملة و حب يتقال لواحد ممكن يغير المود بتاعه
و يحلي الدنيا في عينيه.. كلمة تقعد منورة في القلب
و العقل سنين و أيام ..

علشان كده تيجي الآية الخالدة :
"أعطاني السيد الرب لسان المتعلمين
لأعرف أن أغيث المعيي بكلمة" (اشعياء ٥٠ : ٤) ..

خللي بالك من كلامك قوي قوي ، لانه ممتد المفعول ،
به ممكن تقتل نفس و ممكن تحييها..

و ربنا يفرح بيك و بكلامك كل اللي حواليك ..