منتدى الفرح المسيحى - زمن المعجزات ماانتهاش

https://upload.chjoy.com/uploads/156758092587621.jpg

كلمة مُعجزة مرتبطة عندنا دايما بمفهوم
إن ربنا يزيح التجربه الصعبه
..يعني لو ف مرض تبقي المُعجزة أنه يخف
..لو ف أزمه ماديه تبقي المعجزة انه يبعت رزق وخير ..وهكذا 😌

لكن المُعجزة الحقيقيه هي القوة اللي ربنا
بيبعتها وقت التجربه 😇
ثباتك وقت محنتك وأنك تتخطاها دا أعظم مُعجزة♥

لما نبص لقصه أيوب م بعيد بنقول
ليه ربنا سابه ومعملش معجزة وغير الاوضاع🤔

ويتهيألنا إن المُعجزة حصلت بس ف الآخر
لما الكتاب قال وَزَادَ الرَّبُّ عَلَى كُلِّ مَا كَانَ لأَيُّوبَ ضِعْفًا.(ايوب 10:42) 🙃

بس الحقيقه إن م بدايه التجربه لآخرها المُعجزة مفارقتش ايوب 😇

مُعجزته كانت ف قوة ربنا ليه ف أنه يحتمل ويكمل 🤩

مُعجزته ف صموده للنهايه رغم كل الإحباطات اللي حواليه ✊

مُعجزته ف أنه برغم سقوطه ف اليأس وإحساسه
بأن الله مش موجود ف المشهد
إلا انه أصر انه يسمع ربنا ف الآخر 😊

المعجزة بتحصل معاك كل يوم ..
ف كل محنه وكل تجربه بتمر بيها ..👌

زمن المعجزات ماانتهاش 🙋

أنت بس محتاج تدور بين السطور ف أدق التفاصيل😉🙃