منتدى الفرح المسيحى

https://upload.chjoy.com/uploads/15674597009271.jpg

اليوم ده لازم يخلص !!

موضوع و معقد ، تجيبه في دماغك يمين شمال ما لوش حل لا بالراحة و لا بالعافية..

او واحد ما لوش سكة لا بالذوق و لا بالمواجهة و لا باي اسلوب ، و مش عارفين له طريقة ..

الباب المقفول ده له حل ، و اليوم ده ح يخلص ما تخافش ..

دي بس "طقطقة عضم" ، ربنا بيغربل القمح بتاعنا ينزل منه الشوايب

، و بيسيب شوية عواصف تشغل مكنة الصلاة و التوبة و قراية الكلمة و التواضع ..

و لما القمح ينضف من شوايبه و المكنة تجيب الانتاج الحلو ، اليوم ده ح يخلص ..

و اتعلم الدرس : اليوم ده بيخلص في قلبك الأول بالإيمان في نفس الليلة
لما بتفهم قصد الله ، بتطمن و ترتاح و ترمي له الموضوع و تخش تنام ..
و بعدين ح يخلص عمليا بعد كام يوم ، العواصف ح تهدي و البحر ح ينشق و الشرير ح يختفي ..

خللي قلبك حديد !!