منتدى الفرح المسيحى - شاركه بالقليل اللي عندك

https://upload.chjoy.com/uploads/15672831872941.jpg

رغم_إنه على بحيرة طبرية ..
كان محضرلهم سمك مشوي ،
لكنه قالهم ، قدموا إنتم من اللي اصطادتوه ..!🐟🐟

ورغم إنه على الجبل ..
بارك وفاض منه 12 قُفة خبز ،
لكنه احتاج يدوه خمس خبزات وسمكتين ..!🍪🍪

فرح بفلسين بس للأرملة ،
أكتر من مئات الغني ..!💰💰

وقبل جملة واحدة قالها العشار ،
أكتر من قصائد بر الفريسي ..‼

أحس بلمسة إيمان واحدة من نازفة الدماء ،
أكتر من تزاحم مئات المتفرجين حواليه ..! 👫👭

وقبل ناردين الخاطية ،أكتر من وليمة الفريسي ..!😔😔

فرح بنطة زكا ع الشجرة ..وبجملة صدق واحدة من السامرية ..
وبقعاد مريم عند رجليه ..! ♥♥

المسيح ..
مش عايز منك أعمال عظيمة ..!
مش طالب منك إمكانيات كبيرة ..!

شاركه بالقليل اللي عندك ..
وقدمه بكتير من الحُب ..
واديه من أعوازك ✋✋