منتدى الفرح المسيحى - باك تو سكول (الجزء الأول)

https://upload.chjoy.com/uploads/156723378222381.jpg

خلاص احنا علي اعتاب سنه دراسية جديدة .. كل سنة وانتوا طيبين جميعا 📚📐📏✏📙📔📎
عايزين نبدأ سنه دراسية بشكل مختلف مُميز مُنير ومُشوق .
اغلبنا حاليا بينزل وبيشتري مستلزمات المدرسة من لبس وشنطه وجزمه ..👔👞💼
من فضلكوا ارجوكوا بلاااااااش الجُمل الآتية : 😷😷
▪رجعنا للهم تاني 😕
▪ ما كنا مرتاحين 😣
▪ملحقناش ننبسط بالإجازة 😒
▪رجعنا للصحيان بدري تاني 😔
▪رجعنا للمذاكرة والارف .... وهلم جرااااا من جُمل انتوا عارفينها كويس ...
وتعالوا نستبدلها بالآتي😍😍
🔸 سنه جديدة وجميلة انشالله .😇
🔸 كبرتوا سنه واكيد هتتعلموا حاجات اكتر واحلي 🔬🎨
🔸 السنه دي بقي عايزين نعمل نظام في البيت وانتوا اللي تقولوه معايا ..
يلاااا هاتوا ورقه وقلم ونعمل لوحه حلوه تتعلق علي الحيطة بالنظام الجديد 📝📜
🔸 يلاااا ننزل نشتري حاجات المدرسة وانتوا اللي تختاروها بنفسكوا
🔸 كل واحد يكتب لي ورقه فيها كل الاكل اللي عايزين تاخدوا معاكوا المدرسة عشان ننزل نجيب كل الطلبات مره واحده 🍕🍔🍟🍪🍞
وكلمات وجُمل تانيه كتيره انتوا عارفينها اكتر مني ... ابتكروا ، شجعوا ، حفزوا

من فضلكوا افتكروا كويس اوي .....
🔹 احنا اللي في ايدينا نوجه طاقه ولادنا انها تكون إيجابية او سلبيه ( اختاروا انتوا !! )
ولما بنعمل كده اتوماتيك احنا مش هنأخد طاقه سلبيه ،
بالعكس هندخل علي السنه الجديده واحنا اكثر هدؤ وتفاؤل معاهم 😊😊😊😊
🔹افتحوا نفس ولادكوا علي المدرسة والدراسة والالتزام والصحيان بدري ، والحر والبرد .
وابعدوا عن اي كلام سلبي من الناس او Facebook posts عن الدراسه وهمها .
🔹افتكروا دايما ان المسؤلية كبيره علي ولادنا ومحتاجين اننا نشيل معاهم ونساعدهم ، مش نزودها عليهم .
ربنا معاكوا ..