منتدى الفرح المسيحى - الله منقذ حياتي

https://upload.chjoy.com/uploads/156701883977011.jpg

البنت صاحبة العربية دي بتحكي وتقول
فضلت قاعدة جواها حوالي ربع ساعه
لان كان معاها مكالمة تليفون
وفجأة نزلت علشان تشتري حاجه من السوبر ماركت
في اللحظة اللي سابت فيها العربية ونزلت
هي نفسها اللحظة اللي وقعت فيها الشجرة العملاقه دي
الناس اتلمت حوالين العربية علشان كانوا مفكرين في حد جواها
لحد ماجت وقالتلهم العربية فاضيه مفهاش حد
يد الله انقذتها وحاوطتها وكتبتلها عمر جديد
بسأل ربنا وبقوله معقول يارب شجرة
عمرها سنين ماتقعش غير والبنت تحتيها
يقولي مكتوب عندي الميعاد اللي هاتقع فيه
فسألته يعني ماكنتش قادر تخلي البنت تاخد العربية
وتمشي بدل ماهي باظت خالص كده
يقولي ماهو كان فيه حد هايركن مكانها
اول ماتتحرك وكانت هاتقع فوق دماغه وتموته
فسيبت العربية لانها مش مهمه عندي
لكن الاهم بنتي اللي كانت جواها

ربنا فعلا معندوش صدف .. ربنا بتاع اللحظات الاخيرة
اللي ببشيل بايده بلاوي كتيرة قبل ماتقع فوق دماغنا
في اللحظة اللي هنلوم ربنا فيها
عن اي حاجه غرييه تحصل في حياتنا
وفي اللحظة اللي هنلوم ربنا فيها احنا ليه سيبنا فجأة الشئ الفلاني
هي نفسها اللحظة اللي يد الله بتعد لينا فيها المعجزة
اللي هاتنقذنا من الهلاك

انت في يد الله ..
سلمله دفة حياتك ونام .. روح في سابع نومه
ووقت مالبحر يهيج هو هايقدر يسكته
ووقت ما الشبك يفضى هو هايقدر يملاه
ووقت ما الاكل يخلص هو قادر يوجده
ووقت ما البحر يعيقك .. هو هايقدر يشقه

الله منقذ حياتي