منتدى الفرح المسيحى

https://upload.chjoy.com/uploads/156700085750311.jpg

بصلي ليك وبكل ظروفي بشاركك
زمان وعدت وقلت اني هباركك
بس تكون ليا سامع زوغت وراوغت
وعشت حرامي ومخادع
انا اللي في الشر بارع والليلة جاي معاك بصارع

باركني

كلمتني زمان وقلت ان انا حبيبك
باركني باركني مش هاسيبك
عشت بلهث ورا الغني ولقمة العيش
وحبيت العالم وان يكون ليا شعب وجيش
واكون عظيم الجيل وضيعت ١٤ سنة بجري ورا جمال راحيل
خدعت عيسو وخدعت ابويا اسحق
لكن الليلة جاي ليك مشتاق

انا مش ماسك غير في وعد فمك
وبركة ايديك
انت قلت اني هاحسن اليك
وانا دلوقتي راجع ليك
وبقولك انا زهقت من نفسي ومن خداعي
ومن شري اللي بيسري في وريدي
من فضلك ماددلك دراعي
مد ايديك وامسك ايدي

مابقتش عايز حاجة
من العالم لا يفرحني ولا يضاقني
انت عايز بس انك تباركني
بتقول ايه الفجر طلع
من فضلك سيبني
لأ مش هاسيبك غير لما تباركني
وهافضل ماسك فيك انشاله سنة
بس مش هارجع تاني زي منا

غير لما تؤمر لحياتي بالبركة والهنا
اسيبك؟
لا مش هاسيبك ولا هاخليك تسيبني
هافضل اصارعك وتصارعني
لن اطلقك ان لم تباركني

وَقَالَ: «أَطْلِقْنِي، لأَنَّهُ قَدْ طَلَعَ الْفَجْرُ». فَقَالَ:
«لاَ أُطْلِقُكَ إِنْ لَمْ تُبَارِكْنِي». وَبَارَكَهُ هُنَاكَ. ((تكوين ٣٢))