زوّادة اليوم: الفكرة بالمبدأ

بيخبرو عن ستّ فاتت عا دكّان مستعجلة اشترت غراض طلع حسابها 8000 عطيت الموظف اللي عالصندوق 10000 ردّلها 12000 ما اتطلعت هيّي حطّت المصاري بجزدانها و راحت عالبيت. بس وصلت و لقيت انّو معها مصاري زيادة فكّرت بموظّف الصندوق اللي اكيد صاحب الدكّان دفعو الفرق من جيبتو بس بيتها بعيد كتير عن الدكّان قالت بكرا بروح برجّعن. راحت تاني يوم فتّشت عالموظف بس ما لقيتو. شافها شب بيشتغل هونيك عم تفتّش عا شي سألها كيف فيه يساعدها، خبّرتو شو صار معها. استغرب هالشب و حكي مع مدير المحل اللي قلها: بعد في ناس هيك؟ حدا تاني يمكن كان نِسي الموضوع و قال انّو مبلغ مش حرزان روح هالمسافة كرمالو. الزوّادة اليوم بتقلنا انّو الفكرة مش بالمبلغ، الفكرة بالمبدأ! لازم كل الناس تعرف انّو شي مش الك ما فيك تاخدو! هلقد بسيط المبدأ اللي اذا بيتطبّق بتكون الدني بألف خير...الله معكن