زوّادة اليوم: صلّوا واطلبوا موهبة الحكمة

مين مِنّا و لا مرّة ما تفرْكَش هوّي و ماشي؟ من نحنا و زغار مندبدِب و منتهدّى بالكنبايات و منمسك ايد اهلنا و منوقع و منقوم حتّى بالآخر نتعلّم نمشي.
كل مرّة وقعنا و رجعنا وقفنا بس رجعنا جرّبنا نمشي عن جديد هيّي فرصة تانية عطيناها لحالنا لأنّو حتى الطفل بيعرف انّو المشي اساسي بحياتو. و نحنا هيك قدّام اي صعوبة ما لازم نخاف نعطي فرصة تانية لأنّو التسامح و لا يوم كان ضعف بالعكس هوّي مصدر ايجابي بحياتنا. ما تحبس حياتك بزاوية ضيقة، اعطي حالك و غيرك فرصة تانية حتّى تتصلّح الإشيا و وثق انّو ما في شي بيسمح الرب يصير الّا لمصلحتك... ما تحقد، سامح، حبّ، عيش، ما تستسلم! يسوع علّمنا كل هالإشيا، ما تقاصصو حالكن و غيركن كرمال شي موقّت...فكرو لبعيد، صلّوا و اطلبوا موهبة الحكمة من الروح القدس و الله معكن