زوّادة اليوم: أحترم النّنعمة اللي عندك

بتخبّر القدّيسة الأم تريزا دي كالكوتا انّو مرّة قالت لطفلة زغيرة بعد ما قدّمتلها خبز: كليهن كلّن للخبزات بتعرفو شو جاوبت الطفلة!؟ قالت: بخاف اذا اكلتن كلّن ارجع جوع مرّة تانية.
هالقصّة اليوم عم نخبّركن ياها حتّى سوا نتذكّر انّو عنجد في ناس عايشة بخوف من الجوع، عنجد في ناس ما عندن لقمة خبز ياكلوها، عنجد في ناس بتنام بلا اكل و نحنا منتكبّر عالنعمة، هالشغلة ما بحبها، هيدي ما باكل منها، و امّهاتنا بيطبخو كذا اكلة حتّى يرضو الكل و منكبّ اكل باقي و غيرها و غيرها من تصرّفات عنجد خطيّة قدّام الواقع اللي عم نشوفو من فقر و جوع... اذا مَنّك قادر تساعد غيرك عالقليلة احترم النعمة اللي عندك و أشكر الله عليها! الله معكن