منتدى الفرح المسيحى

https://upload.chjoy.com/uploads/156632692951111.jpg

هو بس اللي بيدور الدنيا ، مفيش غيره -تبارك اسمه- يعرف يمشيها ..

رب قدير عارف البلاد و طبع العباد ..

علام الغيوب ، صبور علي العيوب..

بحلوها و مرها مدورها، بفقير و غني ممشيها
، بحروب و سلام ضابط العدل فيها .
. يسيب الطيب يتألم و يعزيه
، و يخللي الشرير مبسوط من بره و من جوه قلبه و ضميره يجازيه..

اللي شايفه وحش هو يحليه، و اللي تحسبه شر خير تلاقيه..

الشبعان يراضيه ، و الجعان يستره و يحنن قلب الغني عليه ..

مريض يشفيه ، و مريض تاني بس يعزيه
، واحد حيران يهديه، و حيران تاني يصبره و يراضيه،
و كل واحد علي حسب ما يحتاج يديه ..

حتي في الموت له أحكام : اللي خلص رسالته
، او خايف عليه من الدنيا علي السما يناديه
، و اللي لسه ليه دور و هدف يسيبه شوية و يقويه..

بيعمل الأصلح لكل واحد..
«لأن من عرف فكر الرب؟ أو من صار له مشيرا؟" (رومية ١١ : ٣٤)

هو اللي خلقها، و هو بس اللي يعرف يدورها ..