|
(( ..... هتفضل فى قلبى , مضخة حياة ..... ))
(( ..... هتفضل فى قلبى , مضخة حياة ..... )) هتفضل فى قلبى , مضخة حياة ..... شفتك , لقتنى مهتم بيك . هتفضل فى قلبى , مضخة حياة ..... لقيت نفسى لما عينى اترسمت فيها صورتك . هتفضل فى قلبى , مضخة حياة ..... حبيت ربنا فيك . هتفضل فى قلبى , مضخة حياة ..... حبيت كل الناس , لما شفتهم بعينيك . هتفضل فى قلبى , مضخة حياة ..... حبيت بسمة الناس على وشوشهم . هتفضل فى قلبى , مضخة حياة ..... بقيت مبتسم عشان بسمتك ردت فى الروح . هتفضل فى قلبى , مضخة حياة ..... بقيت اقوى , شايل المسئولية ومتحمل الجروح . هتفضل فى قلبى , مضخة حياة ..... بقيت بغفر , اسامح , اقبل واساعد , غيرتنى يا حبيب . هتفضل فى قلبى , مضخة حياة ..... بقيت انسان بيك . هتفضل فى قلبى , مضخة حياة ..... بقيت قابل الاهانة وقابل المر,وطول مانت جنبى الكل يمر . هتفضل فى قلبى , مضخة حياة ..... بقيت عارفك , فاهمك , حاسك . هتفضل فى قلبى , مضخة حياة ..... لما ايديك بتحضن ايديا , بملك العالم باللى فيه . هتفضل فى قلبى , مضخة حياة ..... قبل ماتقول الكلمة بقولها , وحتى فكرتك فكرتى نسجتها . هتفضل فى قلبى , مضخة حياة ..... حتى الاهه قبل ماتقولها , بفتح قلبى علشان يحضنها ويحميك منها . هتفضل فى قلبى , مضخة حياة ..... عارف رد فعلك , سامع حتى همسك , حتى الدمعه بتمر فى عينى , قبل متبكيها عينيك . هتفضل فى قلبى , مضخة حياة ..... دى دمعة عينك تقتلنى ,ولو تيجى البسمة ترجعنى للحياة . هتفضل فى قلبى , مضخة حياة ..... طبطبة ايدك على كتفى , تخلق فى عينى دنيا وحياة , يرقص الامل ساعتها فى عيونى , والمتسحيل يبقى ميت مدفون وسط الاموات هتفضل فى قلبى , مضخة حياة ..... دمى يجرى فى عروقك ....ودمك فى عروقى وسط الدم فصيلة دمك هى فصيلتى ..... دا الدم هو الدم حتى حلمك هو حلمى .........دا الحلم نفس الحلم هتفضل فى قلبى , مضخة حياة ..... قلبى علشان حبك , فاض الحب منه فتح الحياة قدامى , ورسم الطريق بحب الحياة يكفينى انى حبيتك وانى بحبك وهافضل حبك ولو افترقنا فى يوم هتفضل فى القلب , مضخة حياة م / هانى صموئيل |
رد: (( ..... هتفضل فى قلبى , مضخة حياة ..... ))
ميرسى كتير على مشاركتك المثمرة |
رد: (( ..... هتفضل فى قلبى , مضخة حياة ..... ))
ميرسي كتير ياجميل للكلمات الحلوه
ربنا يباركك |
رد: (( ..... هتفضل فى قلبى , مضخة حياة ..... ))
شكرا يا هاني على الكلمات الجميلة
ربنا يبارك حياتك |
| الساعة الآن 08:15 AM |
Powered by vBulletin® Copyright ©2000 - 2025