زوّادة اليوم:
غريبة هالحياة...
لازم تزعل حتّى تعرف طعمة الفرح، ضروري تعرف الضجّة حتّى تقدّر قيمة الرواق، بس تشوف و تعيش المرض بتقدّر نعمة الصحّة، و فراق اللي منحبّن حتّى نعرف قيمة وجودن بحياتنا...
شو منشبه توما بهالطبع! بدنا نشكّ بكل شي...و ما نعرف قيمة الشغلة إلّا تا نفقدها او نعيش عكسها!
نهار اللي منتعلّم نشكر ربنا عا نِعَمو، نهار اللي منتعلّم نحمل صليبنا بفرح...نهار اللي منتعلّم نشوف النُصّ المليان من الكبّاية، نهار اللي منتعلّم نشوف الضَوْ قد ما كان زغير و العتمة قويّة...ساعتها بس رح نعيش الفرح الحقيقي و الله معكن