منتدى الفرح المسيحى

https://upload.chjoy.com/uploads/156595622767481.jpg

كلمتك بدل المرة ١٠ ، و انت ما رديتش
، و كان المفروض انت اللي تجبر بخاطري..

و لما رديت ما فهمتنيش رغم كل اللي قلته و شرحته و وضحته..

غلط في حقي و سامحتك ..
حاولت اخفف من غلطتك و التمس لك العذر و الاقيلك مخرج و برضه عندت..

نقلت لك مشاعري و محبتي ناحيتك و ما نفعش..

قلت لك انسي الماضي و تعالي نقلب الصفحة،
و انت مصر تعيد و تزيد فيه و مش راضي تتزحزح عن رأيك..

شايفيني غلطان رغم كل اللي شرحته ،
و علشان باحبك قلت لك حقك علي ، و برضه مفيش فايدة ، متمسك بغلطك و انا عارف انك مكابر و مش راضي حتي تقول ما كنتش اقصد ..

شاريك و انت مش شاري، و بعتني عند اول اختلاف،
و رفضت تسمع إلا نفسك..

طيب اعمل ايه تاني و انا باحبك؟؟

كده عداني العيب ..
عملت كل اللي الحب وصاني بيه ،
و ما فاضلش غير أن انا ابعد
علشان مش ناوي ارخص في نظر نفسي تاني ..

لأني باحبك ح ابعد ، و لما تلاقيني غالي عندك ابقي دور علي ..

و "لو" لقيتني ح تلاقيني مني بس حتت صغيرة مكسورة ؛
ح تلاقيني ما ابعرفش غير اني باحبك يا صديقي ..