منتدى الفرح المسيحى - بتفتح شباكك قد ايه و علي ايه

https://upload.chjoy.com/uploads/156593629422861.jpg

مكنش عندي internet الثلاث أيام اللي فاتوا. 😶

و كأن المياه و الهواء اتقطعوا🙄،
و حسيت اني هزهق و هنفصل عن العالم الخارجي 😯
كنت بين اني عايزه اصلح المشكلة و ارجعة و بين اني عايزه اجرب أعيش كم يوم من غيره .

فقررت مرجعوش و أعيش التجربة و لقيت نفسي بعد شويه بسيب تليفوني
و مش بأخذه معايا في كل حته ، لأني عارفه ان اهم حاجات بستخدمها و بحبها بتعوذ اينترنت،

و هنا ابتدت المميزات الكتيره اللي كان أهمها :

١- مفتحتش ال Facebook وبالتالي كان عندي قناعه و رضا اكتر من اي وقت تاني
، عاده كنت بتعب في الاجازات و انا شايفه معظم الناس بتنزل صورها،
عشان ده بيدخلني في مقارنات و مشاعر سلبيه. ده سافر بره
و ديه خست و دول مع أصحابهم و دول مع قرايبهم
و دول مبسوطين و ديه ليه بتعمل كده و ده اول مره يعمل كده و هكذا...
و اشوف انا فين من كل ده و كأني في مسابقه مين اتبسط اكتر في الأجازه 🤦🏼‍♀️.

٢-كان عندي وقت اكتر لعيلتي و عارفه اركز معاهم من غير تشويش. 👨‍👩‍👧‍👦

٣- دورت علي حاجات جديده تسليني زي اني لعبت طاوله مع ابني ☺️

٤- بقيت ابص حاوليا و وألاحظ كم الناس اللي مشغوله بموبايلتها
و قاعده مع بعض في نفس المكان بس في نفس الوقت كل حد دماغه في حته تانيه.

و ده خلاني افتكر ابن عمي اللي زورته من كام يوم
و قالي انا النهارده بحتفل اني بقالي سنه و نص قافل ال Facebook ، سألته ليه ؟
قالي: بوظ علاقتي بنفسي و بعيلتي و بربنا.

اللي عايزه أقوله ان ال social media ذي ال Facebook سلاح ذو حادين،
ممكن يبقي هدفه انه يقربنا من الغاليين علينا اللي بينا و بينهم مسافات
، و ممكن لو مخدناش بالنا نبقي مدمنين ليه و يبوظ دماغنا و يخلينا في حاله غضب
و عدم رضا باللي احنا فيه..

فخلي بالك بتفتح شباكك قد ايه و علي ايه و ركز و انت بتقفله ساب جواك ايه ♥️