منتدى الفرح المسيحى - بلاش نعيش بتوع مصلحه

https://upload.chjoy.com/uploads/156543649437121.jpg

العدرا ام النور راحت تخدم اليصابات من غير مصلحه.
خدمه لاجل الخدمه. حتي لو ام النور عارفه انها هاتبقي ام الله
انا وانت ممكن نتغني بام النور كل يوم
لكن جوه قلبنا بنتعامل مع الناس #بالمصلحة
نمدح في واحد مع كاميرا حلوه علشان يصورنا.
ونفضل نقوله ابعت لنا الصور وايه اخبار الصور يا فنان.
وبينك وبين نفسك او مع حد ممكن نقول( هو انسان صعب بس معاه كاميرا نضيفه)
وبتاع الكاميرا ده يتبعتله كميه رسايل علشان الصور.
بس لو ماعهوش كاميرا ممكن محدش يكلمه اصلا
المهم يتقاله كلام حلو علشان بس ناخد صورنا ونتباها بيها
نمدح في حد واصل لناس كبيره ونفضل نعظم فيه
مش علشان بنحبه لا علشان بس يحطني بس في خطته
وخطه أفكاره اللي تخليني ظاهر وباين لكن هو كشخص مش مقبول
صعب اوي لما اعيش مع الناس بالشكل ده.
فرق مابين الطموح واني اكون شخص وصولي
صعب لما ده يبقي جوه كنيسه او خدمه او اسره
خليك زي العدرا تحب لاجل الحب.. تخدم لاجل الخدمه
بلاش نعيش بتوع مصلحه