منتدى الفرح المسيحى - ماتلاقيهاش في الصورة

https://upload.chjoy.com/uploads/156542903818121.jpg

تيجي تدور عليها ف صورة ميلاد يوحنا ،
ماتلاقيهاش في الصورة ..!!
أصلها خدمت ف هدوء ومشيت قبل الهيصة ..!

تيجي تدور عليها في صورة فرح قانا الجليل ،
ماتلاقيهاش ف الصورة ..!!
أصلها كانت جوه بتخدم ف المطبخ ..!

تيجي تدور عليها ف صور العزايم الكبيرة ،
اللي اتعملت لإبنها ، ورغم إنها أمه ،
لكن برضه ماتلاقيهاش ف الصورة ..!!
أصلها كانت تحفظ في قلبها إنه جه لكل البشرية ..!

30 سنة عاشت معاه لوحدها ،
ورغم إن الإله إبنها ..
ما قالتش حكاياتها معاه ..
ولا افتخرت معاه بصورة ..!!

الصورة الوحيدة اللي اتلقطت ليها ،
كانت ليها تحت الصليب ..!!
وقت ما الكل خاف واتخلى وباع ..!!

حست بيه كإبنها المصلوب
فجاز السيف في قلبها ..
وحست بينا كأولاد جنسها
فشهدت بفرحنا بالخلاص ..!