https://upload.chjoy.com/uploads/156542828830911.jpg

انت تهتمين وتضطربين لاجل امور كثيرة ولكن الحاجة الي واحد ( لو 41:10 )

خد بالك من اولوياتك ياتري انت ماشي صح ولا الدوامة واخداك وانت مش دريان
ياتري ايه اللي شاغل بالك ومضيع وقتك فيه
حياتك الروحية وعلاقاتك بربنا رقم كام
بيتك ومراتك وعيالك رقم كام شغلك وخدمتك
رتب اولوياتك معايا دلوقتي
اولا علاقاتك بربنا وحياتك الخاصة معاه
لازم تكون اول واهم شيء وهي سر نجاحاتك وفرحك
وهي القوة المحركة لحياتك
ثانيا بيتك شريك حياتك اولادك ليهم وقت مخصص ومقدس
من يومك واهتماماتك وجو اسري جميل ولطيف وقاعدة حلوة معاهم
وحضن جميل وربنا وسطيكم
ثالثا الشغل لازم تشتغل وتدي وقت للابداع والابتكار وتحقيق ذاتك وحلمك
رابعا الخدمة والوقت المقدس فيها والبركة الكبيرة اللي بتاخدها اخر اليوم
لو رتبت اولوياتك ووقتك ومجهودك بالطريقة دي تبقي انت كده تمام
وربنا يعوضك ويقويك ويبارك فيك