منتدى الفرح المسيحى - من اقامك دياناً

https://upload.chjoy.com/uploads/156523955574171.jpg

بيبقي العيب مالينا ونتكلم بكل حكمه في عيوب غيرنا
نحلل الغلط بأيات علي مزاجنا علشان بس ضميرنا يرتاح
نجرح وندين في اي حد بدون وجه حق واحنا مش عارفين نصلح نفسنا
عاوزين نتنفخ نفخه كدابه علشان يبقي لينا قيمه ولو ماتنفخناش نوقف المراكب السايره
افتح موبايلك واكتب واجرح ودين في اي حد وبعدها اختم كلامك بأيه حلوه كده علشان يبان انك حد روحاني
افتح موبايلك واكتب وانقد واوجع في اي حد وبعدها اختم كلامك بكلمه ربنا موجود
احشر ايات وكلمه ربنا في خناقاتك وغلطاتك وادانتك علشان يبان انك مش قادر تسكت عن الحق
احنا وصلنا لمرحله محتاجه واقفه مع النفس شويه.
لكن للاسف هاتفضل في ناس كبريائها يمنعها انها تحس حتي بغلطها
بس لو فكرنا ان كل كلمه بطاله هانعطي عنها حساب يمكن ساعتها يبقي عندنا شويه مخافه