منتدى الفرح المسيحى - لو شايف انك مش قادر تتغير اجل فكره الخلفه لحد ما تقدر تمشي السكه

https://upload.chjoy.com/uploads/156520058327231.jpg

وجود نموذج زي ده في حياتنا يخلينا نفكر الف مرة
فيه الاجيال الجايه هيكون شكلها ازاي

الاب والام دول قرروا يستغلوا ان ربنا رزقهم بطفله
في انهم يتربحوا من وراها أو يشتهروا
من خلال قناه عملوها علي اليوتيوب

تخيلوا دول بيربوا أو هيكملوا تربيه بنتهم ازاي
وايه تاثير اللي بيعملوه علي نفسيه بنتهم

اخطر اباء وأمهات واكثروا إيذاء اللي بيفكروا في نفسهم بس

الاباء الانانين إيذاهم شديد علي الطفل لانهم مش بيشوفوه اصلا
لان لو حد مش شايف حد بيعمل اي حاجه
من غير ما يفكر غير في المنفعة اللي هياخدها هو بس
، والآخر مش يهمه في شيء

بتمني ان كل المقبلين علي الجواز او الخلفه
انهم يشتغلوا علي نفسهم

كلنا عندنا مشاكل وعيوب
بس الفرق ان فيه ناس مش شايفه عيوبها

وناس عارفها وقررت تمشي سكه مع نفسها في التغيير

لو شايف انك مش قادر تتغير
اجل فكره الخلفه لحد ما تقدر تمشي السكه