منتدى الفرح المسيحى

https://upload.chjoy.com/uploads/15649622541241.jpg

تشتري اي حاجة في الدنيا و تلف لفتين، لازم ح تلاقي اللي احسن منها :
احلي أو أرخص او أوسع أو كماليات اعلي ..

تخطب اي واحدة (أو واحد لو كنتي بنت) ، و تفوت يومين ح تلاقي الاحسن
اجمل أو اغني أو اطيب أو أشيك أو عيلة افضل ..

لكن يا تري اللي انت شايفه الاحسن ، هو هو الانسب ليك ؟
الأنسب لامكانياتك و ميزانيات؟ الأنسب لطبعك و لشخصيتك و عيلتك و نفسيتك (في حالة الجواز ) ؟؟

لو علي الاحسن عمرك لا ح تشتري و لا ح تتجوز !! ح تحتار و انت بتختار ،
و ح ترسي علي مفيش..
و لو بعد ما خدت قرار و نفذت ، ح تعض صوابعك من الندم
و تقول "يا ريتني ما اتسرعت" ، و يمكن تقعد حزين علي طول..

ادرس و استشير عقلك ، و صلي كتير ، و اسمع كويس رأي ناس حكيمة ..
بعد كده ارضي ، و ارضي قوي قوي..

فيه حالات -طبعا- ممكن الرجوع عنها لو في ايدك (و طبعا لو برضه صليت و استشرت )
.. لكن لو لقيت نفسك مش قادر أو مستحيل الرجوع فيه ،
ارضي افرح و اتأكد أن اللي عندك هو الانسب ..

و اتأكد أن ربنا كان معاك و قت اختيارك..
و اتأكد اكتر انه ح يخلي قلبك يرضي بالأنسب ،
و لو كنت مش مرتاح له ح يخليه في فكرك انسب و انسب ..