منتدى الفرح المسيحى - ام كيرلس تكسب

https://upload.chjoy.com/uploads/156491667553621.jpg

اللي عايش في الغلط بيتريق علي ولاد ربنا
.. بيقول مساكين، مدروشين، و عايشين في الوهم ،
و مضيقين علي نفسهم.. صوته عالي و تريقته كتير ،
و منطقه من وجهة نظره قوي ، لكن يخسر ..

الملحد أو اللاديني عنده براعة في الحوار
، بيغلب في كل مناقشة ، مثقف بزيادة
، منتصر علي الكل في كل مناقشة ،
متمرد علي الله و ينكر وجوده
و معاه كل نظريات الدنيا و العلم .. برضه يخسر..

كل دول يخسروا حتي لو منطقهم فوق الكل
.. يخسروا لان قلبهم مش مرتاح ،
و ضميرهم قايم عليهم و ما فيش عندهم اي سلام ..

يمكن تكون أقوي عقل في الدنيا
و صاحب أقوي حجج في العالم
، بس برضه خسران ، مفيش جواك المفتاح
، السر ، النعمة اللي ربنا بيديها لولاده
، الفرحة و التعزية الحقيقية اللي عند ابسط واحدة أو واحد
، عند الست الطيبة "ام كيرلس" ..

و ام كيرلس دي ست بسيطة بتقابلني كل يوم في الخدمة
ما بتعرفش تقرا و تكتب
، بس عايشة فرحانة و مسلمة حياتها لربنا بايمان جميل
، وشها منور و كل إيمانها انها رايحة السما ..

ام كيرلس تكسب كل دول ..