منتدى الفرح المسيحى - احترسوا المقارنات

https://upload.chjoy.com/uploads/156490646401711.jpg

بلاش تقارنوا
بلاش تقارنوا خالص ..
متجيش تقول اصل عندك فلان او فلانة مثلا كويسين اشمعنا احنا او اشمعنا انت / انتي
انتوا فاكرين لما تقارنوا حياتكم بناس تاني او تقارني جوزك
او زوجتك بحد تاني او تقارنوا ولادكم بولاد في سنهم انهم مثلا هياخدوا الشخص ده قدوة ..

بعيدا عن انكم بتعملوا شرخ نفسي ليهم .. انتوا بتصنعوا بينهم عداوة ..
الشخص اللي قارنتوا بيه ده استحالة هيتحب
استحالة يبقي قدوتي .. ده اصبح عدوي
ده هتفكر ازاي كل يوم تجيبه الارض علشان يبقي عبرة و محدش يقارنه بيه تاني ..
المقارنات دي اكبر فخ ..

انت ليه مش شاطر زي فلان هو احسن منك في ايه؟
المفروض نسأل نفسنا احنا .. هو ظروفه فعلا احسن في ايه ؟
هو مناخه فعلا احسن في ايه ؟ نفسيته احسن في ايه؟
ياللي بتقارن العيب فيك مش في اللي قدامك ..
العيب فيك انت انك مخلتوش احسن و اشطر
انك مساعدتهوش في ضعفه و تعبه .. انك مقدمتش دعم وقت سقوطه ..

عندك صاحبك اشتغل اشمعنا انت ؟؟
ما انا هشتغل بس فرصتي لسه مجتش .. بتقارن ليه بحد يمكن فرصته سبقتني ..
مين اداك الحكم اني خلاص فشلت.

المقارنات هتكرهكم في بعض .. و هتعمل عداوة و حقد ..
احترسوا المقارنات.