منتدى الفرح المسيحى

https://upload.chjoy.com/uploads/156467878089961.jpg

من الخطايا المتكررة إرضاء الذات

اتكلمنا عن الحنفية المفتوحة و هي اننا نضبط الحواس.
و الحنفية المجهولة اننا نصلي ربنا يفتح عيونا علي خطايانا
و بلاش دايما نقول اننا افضل من الاخرين و نقعد مكانا.

من المسببات للخطية المتكررة

الاعتماد علي الذات و ارضاء الذات
معناه ايه و الفرق بينهم ؟؟
الاعتماد علي الذات هو ان الانسان بيكون عايز يتخلص من خطيته
بقوته البشرية .. يترك الله ..
و يبدأ يحاول كتير و كل مرة ربنا شايفه و مش بيتدخل..
بيسيبك لحد ما تجيب اخرك ..
لانه لو اتدخل و فعلا خلصك من خطيتك
ستظن ان ذراعك هو الذي خلصك ..
لكن الله يفضل يتفرج و يشوف هتوصل لحد فين !!

انت عايز تتخلص من الخطية ليه ؟؟
علشان صورتك قدام نفسك ..
و لا حرصا علي علاقتك بالله و حبآ فيه ..
في كتير منا عايز يكمل صورته فيقول
( لولا بس الخطية المتكررة دي كان زماني قديس ) ..
القصة انه عايز يتخلص من الخطية علشان شكله قدام نفسه ..
ازاي اعمل كده ؟؟ ازاي اغلط ؟؟
بيصحبها كمان نوع من الكبرياء .. كيف اسقط ؟
لذا الانسان المتضع حينما يسقط فأنه يعلم ضعفه البشري
و يتضرع الي الله بانسحاق و توبة لكي يخلصه.
اما من يبحث عن ارضاء الذات فحينما يسقط ينزعج
و ينفعل لانه يري ان شكله امام نفسه تشوه ..
فالاعتماد علي الذات و ارضائها يقودنا الي السقوط المتكرر في الخطية.