منتدى الفرح المسيحى - انا اريد فقط كنيسه

https://upload.chjoy.com/uploads/156447707604661.jpg

كل اللي عاوزه كنيسه اتمتع بيها بالمسيح
يوم ما تخنق أجرى علي قداس افرح فيه والاقي بعدها الناس فرحانه ببعض
وبالمسيح واحس باسره واحده في المسيح
ويوم ما ابقي عاوز ارتاح احضر تسبحه واتهلل بالروح
ويوم ما ابقي عاوز اقدم حاجه للمسيح اخدم بكل قوتي
كل اللي عاوزه كنيسه مش مبني
كل اللي عاوزه جسد واحد.. وروح واحد. لنجد النصيب والميراث مع كافه قديسيه
وكل ده مش واحد بس يعمله.. مش كاهن لوحده.. مش أسقف لوحده..
مش شعب لوحده.. لكن منظومه كامله
. جسد واحد
لكن كل شئ يبقي مافيهوش حب. وكله خداع.. وصراع. وحضن مغشوش..
وضحكة صفرا مالهاش طعم.. وسلام ماليان بالغدر والنفاق..
يبقي مهما كان في كنيسه فهي شكل ومبني لكن مش روح وحياه
كل اللي محتاجه كنيسه مش مبني
الكنيسه لما تتحول لمجرد اوقات بنجيها مش حياه بنعيشها هايبقي الوقت اللي فيها مافيهوش روح..
وهانبقي كلنا موظفين
الكنيسه محتاجه نعيشها جوانا قبل ماندخلها كمبني
كل اللي محتاجه كنيسه بمعني كلمه كنيسه