منتدى الفرح المسيحى - كلنا عايزين نتغير

https://upload.chjoy.com/uploads/15643842900481.jpg

كلنا عايزين نتغير بس مش عارفين نتغير ازاي والحكاية سهلة
ومش سهلة وتبدأ منين من الآخرين ولا من جوانا؟.
.من جوانا؟ !!!!
أيون ...من جوانا
علشان نتغير نحتاج الأول نرمي "اللازم والمفروض" في صفيحة الزبالة ونفكر بس في "أنا محتاج"
- أنا محتاج أتغير..
- علشان تتغيرتحتاج تقبل نفسك زي ماهي كلها على بعضها..
- بس أنا فيا حاجات وحشة ونقط ضعف كتير إزاي أقبلها ؟؟؟!!!
- دول أول الحاجات اللي تحتاج تقبلهم وتصاحبهم كمان
- أصاحبهم ؟؟!!!
- أيون تصاحبهم.. مش معنى القبول يعنى الموافقة.. مثلاً
أنا قابل اني احيانا باكون مش حقيقي أوي علشان محدش يزعل مني..
بس مش موافق والحكاية دي تاعباني..
يبقى هاحاول اشتغل عليها وماراضيش غيري على حساب نفسي..
- مش فاهم !!!
هاقولك من أول الحكاية..
- الأول تحتاج تقبل نفسك زي ماهي ولما يحصل ده وتقبل ضعفاتك
وتعترف بيها قدام نفسك او في جروب آمن بعدها هتعوز
تشتغل على مناطق الضعف دي واحدة واحدة (لانك مش موافق يكونوا موجودين)
هتكبر من جواك وكمان هتقدر تقبل الآخر اللي عنده ضعفات ويمكن تساعده كمان يكبر فيها
..لكن انا لوفضلت مش قابل نفسي هافضل بابذل مجهود أخبي ضعفي ده
وكمان مش هاقبل الآخر لاني مش قابل نفسي ..وهافضل ألف في دايرتي وده مش #كبران
- الله.. قبولي لنفسي هيعمل كل ده ؟!!
- شوفت بق.. .بس دي سكة.. تحتاج "انك تحتاج" تمشيها علشانك وعلشان حبايبك.
بس #الكبران حلو رغم الألم..
جاي معانا في سكة تغيير ؟! ☺