منتدى الفرح المسيحى - عيسو المستبيح للشر

https://upload.chjoy.com/uploads/156384429379791.jpg

عيسو كان بيصعب علي جدا .. كنت بشوفه مظلوم ..
من أمه اللي فضلت عليه أخوه
وحتى من ربنا اللي أخد صف يعقوب.
وفضلت سنين كتير بحاول أفهم ..
لحد ما لقيت الإجابة في الكلمة دي :

( مستبيح )

عيسو كان بيستسهل الشر .. بيحب الخطية ..
بيشرب الإثم كالماء.
عيسو كان شخص متميع .. متراخي ..
مش جد ومش دوغري
لدرجة أنه احتقر البكورية وباعها بطبق عدس.

عيسو فقد البركة لأنه ما كانش يستحقها ..
ولأنه ماقدرش قيمة العطية.
المخيف ..
أننا ممكن نستسيغ الشر لحد ما نطرد من مراحم الله ..
فنفقد الدالة ونتعامل كبالغ مذنب أمام قانون
مش كطفل بريء مشاكس زي يعقوب ..
يتعامل كحدث يدلل وتتفتح له أحضان الرحمة ...