منتدى الفرح المسيحى - العيب مش في التناقض

https://upload.chjoy.com/uploads/156375594295721.jpg

لما نضجت
عرفت ان كلمة "تناقض" مش شتيمة ولا مرض ..
وانك طبيعي تكون متناقض واللي مش طبيعي انك تكون علي حالة واحدة

كلنا جوانا تناقضات كتير
اوقات بنحتاج للوحدة واوقات بنحتاج جدا لناس جنبنا ..
اوقات بنحتاج جدا للصمت واوقات هنموت ونلاقي حد نحكي معاه ..
اوقات بنفضل العمل الفردي واوقات بنحتاج نكون وسط جماعة ..
اوقات بنحس اننا اموات واوقات بنحس ان الحياة بتشع مننا ..
اوقات بنحس ان جوانا نور ينور العالم واوقات بنحس اننا مطفيين جدا ..
اوقات بنحس ان اليقين مالينا واوقات بنشك حتي في نفسنا

العيب مش في التناقض
لان ده شئ طبيعي جدا ..
العيب ان يكون الشخص حياته علي وتيرة واحدة !!