منتدى الفرح المسيحى - جابوا لي العيا

https://upload.chjoy.com/uploads/156365421993111.jpg

جابوا لي العيا
مراتي جابت لي المرض ، أو جوزي سبب لي العيا .. جملة سمعتها كتير..
يا تري ده بيحصل ؟؟
الإجابة "ايوه" ،

أغلب الحالات فيها طبع شريك الحياة وحش، يجيب المرض للشارع كله :
عند و بخل و عصبية و تسلط و عنف و عدم حكمة ..
و اللي بيحصل هنا أن الزواج تم بتسرع و اندفاع و مشورة غير صالحة ..

بس احيانا الاتنين يكونوا السبب ، لأن الاتنين اختاروا بعض
، واحد اختار يمرض و التاني اختار يبقي مريض أو ضحية.. تتصور ؟؟

الطرف ده من الازواج بيختار انه يكون "مريض" ، أو "ضحية " ،
يعني بيسيب شريكه يقهره و يظلمه و يهينه و ما يدافعش عن نفسه .
. بيحب الحالة دي انه يكون "مكسور" و "مظلوم" .. تصدق ؟؟

ده بيسموه تبادل أدوار ، واحد ظالم و التاني مظلوم،
واحد بيحب يكون جاني لأنه اتعلم كده من صغره أن ما حدش يوقفه عند حده،
وواحد مجني عليه ما اتعلمش يدافع عن كرامته و اتحرم من صغره انه يكون حر
، صاحب رأي وواثق من نفسه..

اتنين فاهمين الحب غلط : واحد قاهر خايف لشريكه يركبه
، و التاني مقهور خايف لشريكه يسيبه ..
الطرفين دول ضحايا تربية غلط، يا دلع زيادة مرعهم ، يا قهر زيادة كسرهم..

و الحل انك تفهم نفسك ، و تشوفها صح ،
و يا ريت في وجود حد يفهمك و يستوعبك و يساعدك ..