يا رب المحبة
ما بدي أعجوبة لمرضي...
ما بدي معجزة لمشكلتي...
ما بدي زيت ع صورة، ولا بدي تمثال عم ينزف دم، ولا ظهور عجائبي...
بآمن انو بواب السما عالسكت بتفتح وبتوقيت السما...
بدّي شغلة وحدة... ضَل معك بإيمان...
بالإيمان بعرف انو العتمة كذبة... بالإيمان بعرف انو المرض وقتي... بالإيمان بقبل الحلوة والمرّة ببسمة ورجا...الايمان هوّي هوا لأختناقي... الايمان دوا لتعتيري...وإذا انت معي بتهون الدني...
شو بينفع اذا كنت بصحة منيحا وروحي مريضة!
الْيَوْم وكل يوم بآمن فيك: متل ما النهر بيآمن بالشتي... متل ما الليل بيآمن بالفجر... متل ما النحلة بتآمن بالزهر... متل ما الموج بيآمن بالشواطئ...
لا ... لا ... ما بدي خوراق لصدّق... بدي غمرة كل يوم الصبح بكير وشو ما بدّو يصير يصير...
الاب فادي روحانا