زوّادة اليوم: ما تتسرّع بالحكم

بيخبرو عن زلمي كان غني كتير و خسرت تجارتو و صار فقير. ايّام الغنى كان عندو اصحاب كتير و بيضلّن ببَيتو و بس صار فقير ما بقا عندو و لا رفيق. قالتلو مرتو هودي اصحابك مصلحجيِّي و مش حقيقيين تركوك بالوقت اللي عايزن!
بس هوّي كان عندو غير رأي! قلها: ليش دغري بتفكري بسلبيّة، اصحابي و بعرفن ما عم يجو لعنّا حتّى ما يتَقلو عليي بهالوقت الصعب!
الزوّادة اليوم بتقلنا انّو كل المواضيع بتتقارب من زوايا مختلفة. انت شو ما صار معك بحياتك ما تتسرّع بالحكم، فكّر بكل الإحتمالات،اتّكل عالرب و اطلب موهبة الحكمة من الروح القدس و قرّر. منقرا بإنجيل يوحنا: "وَنَعْلَمُ أَنَّ ابْنَ اللهِ قَدْ جَاءَ وَأَعْطَانَا بَصِيرَةً لِنَعْرِفَ الْحَقَّ. وَنَحْنُ فِي الْحَقِّ فِي ابْنِهِ يَسُوعَ الْمَسِيحِ. هذَا هُوَ الإِلهُ الْحَقُّ وَالْحَيَاةُ الأَبَدِيَّةُ."...الله معكن