منتدى الفرح المسيحى - شكرًا لكل اللي مش باين في الصورة

https://upload.chjoy.com/uploads/156349631363981.jpg

شكرًا لكل اللي مش باين في الصورة

- شكرًا لكل حد بيبقى سبب في فرحة غيره !!
- شكرًا للي بيعمل خير و بيرميه البحر من غير ما يتصوّر معاه !!
- شكرًا للي بيضحّي بفرحته مقابل انه يشوف غيره فرحان ..
- شكرًا للي اتعود يسند غيره و يبص على ابتسامته ،
فيحس انه مش محتاج حاجة اكتر من انه يلمح فرحة غيره .
- شكرًا للي عنده عين حسّاسة باللي كان متضايق اثناء التجمع
، و عنده قلب 'شوّاف' باللي عايل الهَم ، فيروح و يطيّب خاطر المتألم بهدوء !
- شكرًا للي بيغيّر الموضوع بحكمة لمّا يحس ان في حد هيُحرَج ،
و يحاول يدافع عن اللي تعب من الدفاع عن نفسه !!

- شكرًا للي بيحب ببلاش ، و من غير ما يستنى المقابل ،
و بيتبسط قوي لما يلاقي اللي قُصاده مبسوط ،
فيبتسم ، و يمشي في هدوء ،
و يبدأ جولة جديدة في شيل حِمل جديد مع حد تاني ،
و يروح يتكلّم مع نفسه ، و بتواضع يقول :
" فَهَلْ لِذلِكَ الْعَبْدِ فَضْلٌ لأَنَّهُ فَعَلَ مَا أُمِرَ بِهِ؟
لاَ أَظُنُّ " 💗
لوقا 17

شكرًا. ❤ للذين يعملون في الخفاء فابوكم السماوي يجازيكم علانية