منتدى الفرح المسيحى

https://upload.chjoy.com/uploads/15634154687291.jpg

فيه حاجات لما بتتعمل فينا بتتحفر في الذاكرة و تعيش فيها العمر كله ، حلوة أو مرة ..

كلام ما بيتنسيش: يعني لو جيت لحد (بالذات قدام الناس)
و ما اديتوش احترامه الكافي ، أو ما سمعتوش أو اتريقت عليه أو عليت صوتك أو جرحته
، حتي لو انت علي حق و حتي لو بهزار (تتصور !!) ..
ممكن يعيش عمره كله صعبانة عليه نفسه و ممكن بسببك يعيا أو يعثر أو يسيب حتي ربنا ..
مش باقول أن اللي عمله صح ، لكن عنده اناء نفسي هش، ضعيف،
سهل الكسر ، و انت كملت عليه..

تصرفات ما تتنسيش: حد ما هنيتوش بمناسبة انت عارفها (فرح، عيد ، نجاح، ترقية)
، أو ما عزيتوش في رحيل حد من عيلته ، أو ما سألتش عليه في مرضه
، أو في سفره . طبعا ممكن تكون نسيت أو انشغلت ،
و حتي ما كلفتش خاطرك تعتذر أو تعمل الواجب و لو بعد حين ..
طبعا فيه ناس بتعذر ، لكن فيه ناس الكلام ده بيفرق معاها جامد
و ما بتنساش انك ما وقفتش جنبها...

مواقف ما بتتنسيش: فيه حاجات ما بتطلبش، و لو ما عملتهاش توجع و تكسر.
. حد عنده حالة وفاة أو في مستشفي، مش ح يطلب منك تبقي جنبه في كسرته،
و لا ح يبين لك احتياج لتوصية أو سند مادى
او حد محتاج تستضيفه في غربة او في سفر لان ما لوش مكان
الحاجات دي بتتعمل من غير ما حد يطلب ، و الحوجة مرة ؛
و ان حد يقعد مستنيك من غير ما تحس بيه أو تفهمه وجع فوق وجعه..

فيه نوع من الحب اسمه "الحب السباق" ،
اللي بيحس بالناس ، اللي مش بس بيعمل الواجب
، بيعمل قبل ما حد يطلب و من غير ما حد يطلب ..

خليك في قلوب الناس ذكري جميلة
، يفتكروا انك كنت سبب سعادتهم وسط الدنيا اللي ظلمتهم .