زوّادة اليوم: سهرانين ع الباب

بيخبرو عن صبي راح يزور ستّو. مع انّو ما كانت اوّل مرّة بس هالزيارة غيّرتلو حياتو! في شغلة لفتتلو نظرو ما كان منتبهلا قبل و ما تردّد يسأل التيتا الختيارة. قلها: تيتا ليش فوق باب كل اوضة نوم في صور قدّيسين؟ قالتلو ستّو: كيف ليش يا تيتا، لأنّو بس انتو و انا ننام بيكونو هنّي سهرانين عالباب!
قدّيش ايمان هالختيارة كبير و قدّيش مسَلْمِة كل شي و كل شخص بيكون ببيتها لمشيئة الرب و رعاية القدّيسين! كلنا اليوم مدعوّين نعيش هالتسليم بلا شروط و بلا خوف...ربنا اللي خلقنا مش معقول يتركنا... "بِسَلاَمَةٍ أَضْطَجعُ بَلْ أَيْضًا أَنَامُ، لأَنَّكَ أَنْتَ يَا رَبُّ مُنْفَرِدًا فِي طُمَأْنِينَةٍ تُسَكِّنُنِي." (مز 4: 8)...الله معكن