منتدى الفرح المسيحى - المكان اللي فيه حضور الله

https://upload.chjoy.com/uploads/15630089911541.jpg

المكان اللي فيه حضور الله :
بتشعر فيه انك مشفي تماما ،
بتكره فيه خطيتك وكل حاجة تبعدك عنه حتي لو تفصيلة صغيرة ،
مش بيكون فيه اي نفسنة او غيرة او بغضة ،
مافهوش تحزب وشللية ورفض .
لكن فيه قبول للاخر
وبيكون الكل سواسية والمسيح بس الاكبر والاعلي !
المكان اللي فيه حضور الله :
لو حد مدمن او جاي بأبشع الخطايا
بيتشاف بصورته نقية اللي هو ذات نفسه مش شايف نفسه بيها .
بيكون فيه كل واحد مشغول بالاخر اكتر من نفسه ،
بيكون كل هم وصلاة الفرد ازاي اخرج من هنا افيد كل اللي حواليا ،
بيكون كل هم الجماعة ازاي ننقل الحضور ده لكل الدواير اللي برة .

في الحقيقة احتياجنا الحقيقي مش بناء كنايس جديدة ..
لكن بنفتقد جدا لاماكن فيها حضور الله !

وحضور الله مش بييجي علي اساس زينة او طوب ،
لكن بييجي علي جماعة طلباه جدا وعندها اتضاع في القلوب