منتدى الفرح المسيحى

https://upload.chjoy.com/uploads/156300669597571.jpg

اصبر

الانسان لما بينضج بيفهم معني الصبر
بيفهم انك لما حد يثور عليك محتاج تصبر شوية
بيفهم ان لما حد بيغلط فيك او تسمع انه اتكلم عنك
محتاج تصبر شوية ..
الصبر بيعلمنا اننا منتسرعش في الحكم علي الناس
و لا نتسرع في الغضب ..

الصبر كمان بيعطي للنفس ثقة
و يعطيها قوة في اتخاذ القرار المبني علي ادارة العقل للموقف ..
الصبر بيفهمك انك مينفعش تخسر الناس بسهولة علشان هتحتاجهم
.. و لا تاخد حقك بالغلط علشان هتشوف الانسان اللي اذاك و هو بيأذي نفسه.
( لا اقصد شماته ).

الصبر هيفهمك حكمة الله في الامور .. هيخرجك كمان من المحنة متعزي.
الصبر هيملكك من اعصابك و غضبك .. الصبر مفتاح ادارة الغضب.
اصبر علشان تري خلاص الرب.
الصبر بيثبت في ربنا ..
عايزين نقول .. يا صبر ايوب
علشان نتعزي في الاخر زيه.
كمان اللي يصبر للمنتهي يخلص.