منتدى الفرح المسيحى - صورتى عنك يا يسوع

https://upload.chjoy.com/uploads/156240684311.jpg

تلقائيا اول ماعينى جت على الصورة دى لقيت نفسى بابتسم اووى ..
وكنت كل ما اشوفها واركز قيها اكتر الاقى ابتسامتى بتزيد
بس للحظه افتكرت خيالى الطفولى اللى اترسم عنه زمان
مكشر ..مبيضحكش ..رافع حواجبه .. وبصصلى.
بتهديد وغضب طول الوقت مع اضاءه لونها احمر فى الخلقيه .
. ودخان. "رعب متكلف يعنى 😁
اوقات ابليس مبيبذلش مجهود بربع جنيه😁 معانا انه يخوفنا منه ويبعدنا عنه
مجرد صور رماها جواكى وبقيت هى دى مرجعك عنه
ارجعى فكرى ايه الصوره اللى رسماها عنه وبطريقه غير مقصوده بتشوفيها بيه ..
ارجعى فتشى جواكى عن كل فكره غلط اترمت جواكى عنه من حد عدى على
.حياتك وقرر انه يرمى فيها توقعاته المشوهه وتجاربه المخزله وانتى صدقتيها .
.ارجعى. قوليله بكل حقيقيه جواكى هى دى افكارى ومشاعرى عنك .
.ميغركش الكلام المترتب الشيك اللى بقوله للناس
انا طفلتك اللى لسه بيتهته فى معرفتك .
.انا طفلتك اللى لسه بتترمى بغضب وعنف لما ترفض طلبى. .
.انا طفلتك اللى لسه خبراتى بتحبى علشان توصلك.
انا طفلتك اللى لسه محتاجه تشوف وتختبر ضحكتك دى 😊
مختاجه اصدق ان فوضويه حياتى ومشاعرى الطفوليه
.وافكارى المرعبه عنك ليها مكان تتقبل فيه عندك
محتاجه مكنش بطوح فى مهب ريح اى تعاليم ومعرفه عنك
مختاجه اصدق ان رسمتك جوايا بتنحتها محبتك .ومعافرتك فى الوصول ليا ..
محتاجه توعدنى ان مش هروح من هنا بصورتى اللى صممتها ايدى