منتدى الفرح المسيحى - هم هايتلم سيستجيب

https://upload.chjoy.com/uploads/156223172892741.jpg

من يومين نزلت اشتري طلبات من السوبر ماركت
ومن ضمن الطلبات اشتريت خمس علب تونه
الشنط كانت كتيره والشيله كانت تقيله
خدت الحاجه ومشيت . ولما وصلت البيت مالقتش علب التونه
لقيت الشنطه مقطوعه من تحت وعلب التونه
وقعت واحدة ورا التانيه من غير ماحس بيها
، وده بسبب تقل الشيله اللي خلتني ماكنتش حاسس بالحاجات
اللي بتقع منها

احنا كمان رغم تقل الشيله اللي شايلنها في حياتنا
، مابنحسش بإيد ربنا اللي بتوقع هموم كتير من فوق اكتافنا ..
مين قالك ان ربنا مش شغال على همك وبيزيحه من فوق ضهرك !!
فيه حاجات كتيرة بتتحل من حواليك ..
وعمرك ماهتركز فيها طول مانت مركز في تقل الشيله
بس خليك واثق ان فيه اللي بيشيل من على كتافك من غير ماتحس
ثق ان الحمل هايخف والمشاكل هاتتحل والهم هايتلم ...
بعون الله 🙏