منتدى الفرح المسيحى

متستغربوش لما نكتئب .. ومتلوموناش لما نغلط .. مش مطلوب مننا طول الوقت نفضل ف احسن حالاتنا .. بنضحك ونهزر ونسامح ونعدي وننسي .. محدش فينا مثالي .. ممكن نتضايق ونتعصب ونتنرفز و نتعب و نهرب و نسكت ونميل أحيانآ للسكوت و الحزن .. ممكن نجرح زي ما بنتجرح وممكن نوجع زي ما ناس تانيه بتوجعنا .. عادي يعني .. مفيناش ملاك ومحدش فينا نازل م السما .. لكل واحد طاقه ولكل فعل رد فعل .. مش لازم طول الوقت تشوفونا الناس الكيوت المبهجه المبتسمه المرحه المتسامحه الطيبه .. اكتر ناس بتحب اللمه ممكن جدآ تحتاج ف يوم للهروب من زحمة الناس وترتاح ف الوحده .. اكتر ناس بنشوف علي وشها الضحكه ممكن جدآ ف يوم م الأيام دموعها تنزل .. كلنا معرضين للتعب والارهاق و الضعف .. بس ياريت لما حد فينا يضعف ويقع ويعدي ف أزمه محدش يزود وجعه بالكلام والعتاب .. سيبوا الناس تعبر عن مشاعرها براحتها .. متقولوش لحد معلش .. سيبوهم يصرخوا .. يزعقوا .. يعيطوا .. خلوهم يغسلوا قلوبهم وأرواحهم أول ب أول علشان لما الأزمه تعدي ويقفوا علي رجليهم من تاني ميكونوش شايلين من اي حاجه واي حد ..

متتعاملوش معانا علي اننا تماثيل شمع مبتحسش ..
احنا بشر 🤚

"مينا مجدي"