زوّادة اليوم: لا تعبدوا ربّين الله و المال...

بيخبرو عن زلمي غني كتير عاملين معو مقابلة سألوه شو اكبر غلطة عملها بحياتو رغم النجاح اللي هوّي فيه. كان جوابو عكس ما توقّعو الكل! قلّن انّو اكبر غلطة بحياتو انّو خلّى الشغل و تجميع المصاري يلهوه عن عَيلتو و ولادو! مناسبات كتيرة ما حضرها و بيتمنّى لو بيرجع الوقت لورا كان تصرّف غير هيك و كان عمل عَيلتو اولويتو مش الشغل! الزوّادة اليوم بتقلنا انّو اكيد الشغل مهمّ، و الإستقرار المادي مهمّ، بس ما شي بيحِلّ محلّ جَمعِة العيلة و محبّة افرادها. بعد وقت طويل شو بتفضّل تكون حزين انت و اموالك او فرحان و عندك ذكريات حلوين و حكايات كتار تتذكّرن و تنرسم ابتسامة عا وجهك؟...لا تعبدوا ربّين الله و المال...الله معكن