منتدى الفرح المسيحى - إوعى السين تبقى صاد

https://upload.chjoy.com/uploads/156201028580681.jpg

جربت تسوق عربيتك ورا واحد صاحبك
وتفضل سايق ورا عربيته عشان هو اللي عارف العنوان…
وتفاجأ وهو بيكلمك ويسألك:
“أنت فين؟ أنا وصلت خلاص وما لقيتكش ورايا..!”
وساعتها تدرك انك ماشي ورا عربية تانية
من غير ما تفحص وتدقق في أرقام لوحة العربية
…مشيت وراها بالشبه لأن كان ليها نفس الهيئة…
وفي الآخر لقيت نفسك تايه!

زي ما تبعت عربية تانية، بتعجبني أوي الآية دي
عن التبعية في حياتنا:
“هكذا قالَ الرَّبُّ: «ماذا وجَدَ فيَّ آباؤُكُمْ مِنْ جَوْرٍ
حتَّى ابتَعَدوا عَنّي وساروا وراءَ الباطِلِ وصاروا باطِلًا؟” **إرميا‬ ٢: ٥
أخدت بالك أن الحرف هنا يقتل…
الله عاوز ينبهك وينبهني: “إوعى السين تبقى صاد!”
اتصدمت لما أدركت الحقيقة دي…
كل “سين” في حياتنا مصيرها تبقى “صاد”…
كل “ساروا” حتتحول “صاروا”!
ساروا وراءَ الباطِلِ وصاروا باطِلًا…

بأصلي النهاردة انك تراجع كل “سين” في حياتك…
كل فكر بتتبعه، كل شخص بتعمله “Follow”
، كل أسلوب حياة بتمشي وراه…
زي عربية صاحبك…راجع…افحص…اختبر…دقق…
وفوق كل دة صلي واطلب ارشاد من الروح…
لأن يوما ما اللي أنت بتسير وراه حتصبح تصير زيه
… وخايف ندرك بعد فوات الآوان اننا تايهين!

خلينا منورين