منتدى الفرح المسيحى - لو ربنا اداك ١ واداهم هما ١٠

https://upload.chjoy.com/uploads/156194693004211.jpg

لو ربنا اداك ١
واداهم هما ١٠

متبصش علي اللي عندهم وتتحسر
لان الفرح والثمر اللي هيحطوا في قلبك
مش هيكون اقل من اللي عندهم
بل ممكن يكون ازيد بكتير .. حسب قوة ايمانك ومستوي رضاك

مش بتكلم علي الفلوس .. لكن بتكلم علي كل عطايا الله
وكل العطايا دي وزنات .. علي قد ما بتزيد علي قد ما بيكون وراها مسئوليات كبيرة

حتي لو اداك وزنة واحدة .. افرح
وخليك واثق ان الفرح مش بالوزنات
لكن بالقوة والسلام والثمر اللي بيحطه جوة في قلبك
وصدقني فيه ناس مش عندهم غير وزنة واحدة ومثمرين في حياتهم

اعظم من ناس عندهم ١٠٠ .

كل اللي من ايدك يارب خير وفرح
وانت عادل جدا حتي لو الظاهر في التوزيع بيقول غير كدة .

شكرا حتي لو كل اللي ادتهوني وزنة واحدة
مش هبص علي اللي خدوا ٢ او ٥ او ١٠ .
لكن هبص علي ايدك اللي بتدي وتبارك وتطبطب وتفرح .

وسواء ادتني ١ او ٢ او ٥ او ١٠ .. ساعدني اثمر بيه ..
ماخدش الوزنات وادفنها لحساب ذاتي .. لكن استثمرهم لمشاريع في ملكوتك .