منتدى الفرح المسيحى - لما القساوه تزيد يبقى النهايه معجزه

https://upload.chjoy.com/uploads/156193645352921.jpg

ليه يارب بتقسي قلب فرعون اللي في حياتي؟
ليه ماتشلوش من اول ضربه وتنهي على كل أمر تعبني؟
اسئله جوانا محتاجه اجابه
لكن مع الوقت لقيت ان هي دي اجابه الله
تخيل معايا لو فرعون من اول ما قال اخطيت راح ربنا قال لموسي خلاص افرح وخلي الشعب يفرح
وبعد ما فرحوا راح فرعون قسى قلبه تاني.. واستعبد الشعب تاني.
كان ساعتها الشعب مهما كان ربنا قالهم هاخرجكم ماكنوش هايصدقوا.. لأن كل ما يفرحوا يتكسروا
فالله قرر وقال كده بالبلدي (انا عاوز فرعون يجيب آخره)
وكل ما يقسى كل ما بيغلط. وكل ما يقسى بيجيب آخر ما عنده
وكل ما بتضيق المعجزه هاتبقي اقوي وفرحتها أكبر
كل واحد فينا في حياته في فرعون.. (خطيه.. مشكله.. شخص..)
اي ان كان ايه هو فرعون حياتك ماتخافش.. ماتخافش لما تلاقي الدنيا بتقسي.
والخطيه بتقسي أو حتى الأشخاص بيقسوا..ماتخافش ربنا سايب كل حاجه تجيب آخرها.
كل ما بتزيد اعرف ان نهايتها بتخلص
ممكن تقول (انا جبت أخرى) ماتخافش امسك في ربنا لما فرعون حياتك بيقسي
. طول ما انت ماسك في اللي مالوش آخر ماتخافش
خدها قاعده. (لما القساوه تزيد يبقى النهايه معجزه ليك)